‘ఆది పురుష్’ టీజర్పై ట్రోల్స్..
Adi Purush Teaser: ప్రభాస్ చేస్తోన్న క్రేజీ ప్రాజెక్ట్స్లో ‘ఆది పురుష్’ ఒకటి. మన ఇతిహాసం రామాయణంను ‘ఆది పురుష్’గా తెరకెక్కిస్తున్నారు. వచ్చే ఏడాది సంక్రాంతి సందర్భంగా జనవరి 12న సినిమాను విడుదల చేస్తున్నట్లు మేకర్స్ ప్రకటించారు. దసరా పండుగను పురస్కరించుకుని ఆదివారం ‘ఆది పురుష్’ టీజర్ ను అయోధ్య లో విడుదల చేశారు. యానిమేటెడ్ మోషన్ క్యాప్చర్ టెక్నాలజీతో ‘ఆది పురుష్’ సినిమాను తెరకెక్కించటం ప్రేక్షకులకే కాదు..
ఆది పురుష్
పాన్ ఇండియా స్టార్ ప్రభాస్ (Prabhas) చేస్తోన్న క్రేజీ ప్రాజెక్ట్స్లో ‘ఆది పురుష్’ (Adi Purush) ఒకటి. మన ఇతిహాసం రామాయణంను ‘ఆది పురుష్’గా తెరకెక్కిస్తున్నారు. వచ్చే ఏడాది సంక్రాంతి (Sankranti) సందర్భంగా జనవరి 12న సినిమాను విడుదల చేస్తున్నట్లు మేకర్స్ ప్రకటించారు. దసరా పండుగను పురస్కరించుకుని ఆదివారం ‘ఆది పురుష్’ టీజర్ (Adi Purush Teaser)ను అయోధ్య (Ayodhya)లో విడుదల చేశారు. భారీ ఎక్స్పెక్టేషన్స్ పెట్టుకున్న ఫ్యాన్స్కి ఈ టీజర్ కాస్త నిరాశను కలిగించిందనే టాక్ బలంగా వినిపిస్తోంది. అందుకు కారణం.. ప్రభాస్, సైఫ్ ఆలీఖాన్ (Saif Ali Khan), కృతి సనన్ (Kriti Sanon) వంటి భారీ తారాగణాన్ని పెట్టుకుని లైవ్ యానిమేటెడ్ మోషన్ క్యాప్చర్ టెక్నాలజీతో ‘ఆది పురుష్’ సినిమాను తెరకెక్కించటం ప్రేక్షకులకే కాదు.. ప్రభాస్ ఫ్యాన్స్ (Prabhas Fans)కు కూడా ఇబ్బందిగానే మారింది.
ఇంకేముంది కొందరు యాంటి ఫ్యాన్స్ ‘ఆది పురుష్’ సినిమాపై అప్పుడే ట్రోలింగ్స్ (Trolls on Adi Purush)) మొదలు పెట్టేశారు. యానిమేషన్ సినిమాను చూస్తున్నట్టుందని కామెంట్స్ చేస్తున్నారు. అసలే మన మీద గుర్రుగా ఉన్న తమిళ తంబీలు, బాలీవుడ్ జనాలు ఇంకాస్త గట్టిగానే సినిమాను ట్రోల్ చేస్తున్నారు. గ్రీన్ మ్యాట్లో సినిమాను తీసేసి దానికి టెక్నాలజీ పరంగా పేర్లు చెబితే ఫ్యాన్స్కి ఎలా నచ్చుతుందని అంటున్నారు. గతంలో సూపర్ స్టార్ రజినీకాంత్ చేసిన కొచ్చడయాన్తో ఈ సినిమాను పోల్చుతూ కామెంట్స్ చేస్తున్నారు.
అమెజాన్ దీపావళి సేల్ | హోమ్ & కిచెన్పై భలే ఆఫర్లు
బాలీవుడ్ డైరెక్టర్ ఓం రౌత్ (Om Raut) తెరకెక్కిస్తోన్న ఈ సినిమా ఇప్పటికే చిత్రీకరణను పూర్తి చేసుకున్న సంగతి తెలిసిందే. ఇందులో ప్రభాస్ రాముడిగా నటిస్తుంటే, సైఫ్ ఆలీఖాన్ రావణాసురుడిగా నటించారు. కృతి సనన్ సీతగా కనిపించనుంది.
