మోటోరోలా నయా 5జీ స్మార్ట్ఫోన్ లాంచ్
మోటో జీ62 5జీ స్మార్ట్ఫోన్ లాంచ్ అయింది. రూ.18వేలలోపు ప్రారంభ ధరతో వచ్చేసింది. మొదటి సేల్ సందర్భంగా ప్రత్యేకమైన డిస్కౌంట్ ఆఫర్ కూడా అందుబాటులో ఉండనుంది. 5జీ కనెక్టివిటీ, 120Hz ఫుల్ హెచ్డీ+, డాల్బీ అట్మోస్ డ్యుయల్ స్టీరియో స్పీకర్లు, 5000mAh బ్యాటరీతో ఈ ఫోన్ వస్తోంది.
Moto G62 5G launched in India
మోటో జీ62 5జీ లాంచ్ (Photo: Motorola)
Moto G62 5G launched, Full Details : మోటోరోలా జీ సిరీస్లో మరో 5జీ స్మార్ట్ఫోన్ వచ్చేసింది. మోటో జీ62 5జీ (Moto G62 5G) మొబైల్ను భారత్లో గురువారం లాంచ్ చేసింది మోటోరోలా (Motorola). 120Hz రిఫ్రెష్ రేట్ ఉన్న ఫుల్ హెచ్డీ+ డిస్ప్లే ఈ మొబైల్ మిడ్ రేంజ్లో అడుగుపెట్టింది. స్నాప్డ్రాగన్ 695 5జీ ప్రాసెసర్పై (Snapdragon 695 SoC) ఈ ఫోన్ రన్ అవుతుంది. 50 మెగాపిక్సెల్ ప్రధాన కెమెరాతో వస్తోంది. Moto G62 5G ధర, సేల్, పూర్తి స్పెసిఫికేషన్లు ఎలా ఉన్నాయంటే..
Moto G62 5G ధర, సేల్
మోటో జీ62 5జీ మొబైల్ రెండు వేరియంట్లలో వస్తోంది. 6GB ర్యామ్ + 128GB స్టోరేజ్ ఉన్న బేస్ వేరియంట్ ధర రూ.17,999గా ఉంది. 8GB ర్యామ్ + 128GB స్టోరేజ్ ఉండే టాప్ వేరియంట్ ధరను రూ.19,999గా Motorola నిర్ణయించింది. ఈనెల 19వ తేదీ మధ్యాహ్నం 12 గంటలకు ఫ్లిప్కార్ట్ ఈ ఫోన్ సేల్కు వస్తుంది. ఆఫ్లైన్ స్టోర్స్లోనూ లభ్యమవుతుందని మోటోరోలా పేర్కొంది. ఫ్రోస్టెడ్ బ్లూ, మిడ్నైట్ గ్రే కలర్ ఆప్షన్స్లో ఈ మొబైల్ అందుబాటులోకి వస్తుంది.
కపివ 100% స్వచ్ఛమైన హిమాలయన్ శిలాజిత్
Moto G62 5G స్పెషల్ లాంచ్ ఆఫర్
తొలి సేల్ సందర్భంగా ప్రత్యేకమైన లాంచ్ ఆఫర్ అందుబాటులో ఉండనుంది. హెచ్డీఎఫ్సీ బ్యాంక్ (HDFC Bank) క్రెడిట్ కార్డ్తో మోటో జీ62 5జీ మొబైల్ను కొంటే రూ.1,500 తక్షణ డిస్కౌంట్ దక్కుతుంది. అంటే బేస్ మోడల్ను రూ.16,499కే దక్కించుకోవచ్చు.
Moto G62 5G పూర్తి స్పెసిఫికేషన్లు
6.5 ఇంచుల FHD+ LCD డిస్ప్లేతో మోటో జీ62 5జీ స్మార్ట్ఫోన్ వస్తోంది. 120Hz స్క్రీన్ రిఫ్రెష్ రేట్, 405ppi పిక్సెల్ డెన్సిటీ ఉంటుంది. స్నాప్డ్రాగన్ 695 ప్రాసెసర్పై ఈ మొబైల్ రన్ అవుతుంది. గరిష్ఠంగా 8జీబీ ర్యామ్, 128జీబీ స్టోరేజ్ ఉంటుంది. మైక్రో ఎస్డీ కార్డ్ ద్వారా స్టోరేజ్ను పొడిగించుకోవచ్చు. 12 5జీ బ్యాండ్లకు ఈ మొబైల్ సపోర్ట్ చేస్తుంది.
Moto G62 5G మొబైల్ వెనుక మూడు కెమెరాలు ఉంటాయి. 50 MP ప్రధాన కెమెరా, 8 MP అల్ట్రా వైడ్ షూటర్, 2 MP మాక్రో సెన్సార్ ఉన్నాయి. సెల్ఫీలు, వీడియో కాల్స్ కోసం 16 MP ఫ్రంట్ కెమెరాతో ఈ మొబైల్ వస్తోంది. ఫ్రంట్ కెమెరాకు క్వాడ్ పిక్సెల్ టెక్నాలజీని ఇచ్చినట్టు మోటోరోలా పేర్కొంది. కనెక్టివిటీ ఫీచర్ల విషయానికి వస్తే, డ్యుయల్ సిమ్, 5జీ, 4జీ ఎల్టీఈ, బ్లూటూత్ వెర్షన్ 5.1, 3.5mm హెడ్ఫోన్ జాక్, యూఎస్బీ టైప్-సీ పోర్ట్, జీపీఎస్ ఉన్నాయి.
5000mAh బ్యాటరీతో Moto G62 5G మొబైల్ వస్తోంది. 20వాట్ల ఫాస్ట్ చార్జింగ్కు సపోర్ట్ చేస్తుంది. డాల్బీ అట్మోస్ సపోర్ట్ ఉండే డ్యుయల్ స్టీరియో స్పీకర్లను ఈ ఫోన్ కలిగి ఉంది. రెండు మైక్రోఫోన్స్ ఉంటాయి. థింక్ షీల్డ్ మొబైల్ సెక్యూరిటీ ఫీచర్ను కూడా ఈ మొబైల్లో ఇస్తున్నట్టు మోటోరోలా పేర్కొంది. వాటర్, డస్ట్ రెసిస్టెంట్స్ కోసం IP52 రేటింగ్తో తీసుకొస్తున్నట్టు తెలిపింది. ఫింగర్ ప్రింట్ స్కానర్ పవర్ బటన్కే ఇచ్చింది. మొత్తంగా మోటో జీ62 5జీ ఫోన్ 184 గ్రాముల బరువు ఉంటుంది.
