IND vs AUS T20I Series షెడ్యూల్ ఇదే.. మ్యాచ్ టైమింగ్స్, జట్ల వివరాలు

టీ20 వరల్డ్‌కప్ 2022 (T20 World Cup 2022) ముంగిట భారత్ జట్టు ఆస్ట్రేలియాతో మూడు టీ20ల సిరీస్‌ని ఆడబోతోంది. మంగళవారం నుంచి ప్రారంభంకానున్న ఈ టీ20 సిరీస్‌ కోసం ఇప్పటికే భారత్ గడ్డపైకి ఆస్ట్రేలియా టీమ్‌ (Australia Team) చేరుకుంది. మరోవైపు టీమిండియా (Team India) కూడా మొహాలికి చేరుకుని ప్రాక్టీస్ చేస్తోంది. భారత్, ఆస్ట్రేలియా మధ్య (IND vs AUS) మంగళవారం రాత్రి 7:30 గంటలకి మొహాలి వేదికగా ఫస్ట్ టీ20 మ్యాచ్ జరగనుంది.

అక్టోబరు 16 నుంచి నవంబరు 13 వరకూ టీ20 వరల్డ్‌కప్ 2022 మ్యాచ్‌లు జరగనున్నాయి. ఆ మెగా టోర్నీకి ముందు భారత్ జట్టు కేవలం ఆరు టీ20లని మాత్రమే ఆడనుంది. ఈ నేపథ్యంలో ఆస్ట్రేలియాతో జరగనున్న ఈ మూడు టీ20ల సిరీస్‌తో వరల్డ్‌కప్ జట్టుపై ఓ క్లారిటీకి రావాలని టీమిండియా ఆశిస్తోంది. రెండో టీ20 మ్యాచ్‌ నాగ్‌పూర్ వేదికగా శుక్రవారం రాత్రి 7:30 గంటలకి జరగనుంది. ఆ తర్వాత ఆఖరి టీ20కి హైదరాబాద్‌లోని రాజీవ్‌గాంధీ ఇంటర్నేషనల్ స్టేడియం (ఉప్పల్) ఆతిథ్యం ఇవ్వనుంది. మూడు టీ20లు రాత్రి 7:30 గంటలకే ప్రారంభంకానున్నాయి.

ఆస్ట్రేలియాతో టీ20 సిరీస్‌కి భారత జట్టు: రోహిత్ శర్మ (కెప్టెన్), కేఎల్ రాహుల్, విరాట్ కోహ్లీ, సూర్యకుమార్ యాదవ్, దీపక్ హుడా, రిషబ్ పంత్ (వికెట్ కీపర్), హార్దిక్ పాండ్య, దినేశ్ కార్తీక్, రవిచంద్రన్ అశ్విన్, అక్షర్ పటేల్, యుజ్వేందర్ చాహల్, భువనేశ్వర్ కుమార్, ఉమేశ్ యాదవ్, హర్షల్ పటేల్, దీపక్ చాహర్, జస్‌ప్రీత్ బుమ్రా.

ఆస్ట్రేలియా టీ20 జట్టు: అరోన్ ఫించ్ (కెప్టెన్), స్టీవ్‌స్మిత్, టిమ్ డేవిడ్, గ్లెన్ మాక్స్‌వెల్, అస్గన్ అగర్, కామెరూన్ గ్రీన్, డేనియల్ శామ్స్, సీన్ అబాట్, జోష్ ఇంగ్లిష్, మాథ్యూవెడ్ (వికెట్ కీపర్), పాట్ కమిన్స్, జోష్ హేజిల్‌వుడ్, కేన్ రిచర్డ్‌సన్, ఆడమ్ జంపా