తొలి టీ20లో టీమిండియా ఘన విజయం.. అర్థ సెంచరీలతో ఆకట్టుకున్న రాహుల్, సూర్య

తిరువనంతపురం వేదికగా భారత్-దక్షిణాఫ్రికా మధ్య జరిగిన తొలి టీ20 మ్యాచ్‌లో టీమిండియా ఘన విజయం సాధించింది. 107 పరుగుల టార్గెట్‌తో బరిలోకి దిగిన టీమిండియా.. కేవలం 2 వికెట్లు కోల్పోయి 16.4 ఓవర్లలోనే విజయం సాధించింది. దీంతో మూడు టీ20ల సిరీస్‌లో 1-0తో ముందజంలో నిలిచింది. కేఎల్ రాహుల్ 51(56 బంతులు, 2 ఫోర్లు, 4 సిక్సులు), సూర్యకుమార్ యాదవ్ 50(33 బంతులు, 5 ఫోర్లు, 3 సిక్సులు) పరుగులతో నాటౌట్‌గా నిలిచారు. టాస్ గెలిచిన టీమిండియా కెప్టెన్ రోహిత్ శర్మ ముందుగా బౌలింగ్ ఎంచుకున్నాడు. దక్షిణాఫ్రికా 20 ఓవర్లలో 8 వికెట్ల నష్టానికి 106 పరుగులు చేసింది. అర్ష్‌దీప్ సింగ్ మూడు, దీపక్ చాహర్, హర్షల్ పటేల్ చెరో రెండు వికెట్లు తీశారు. ఛేజింగ్‌కు దిగిన టీమిండియాను రబాడ తొలి దెబ్బ చూపించాడు. దీంతో ఖాతా తెరవకుండానే కెప్టెన్ రోహిత్ శర్మ ఔటయ్యాడు. అదే సమయంలో, విరాట్ కోహ్లీ బ్యాట్ నుంచి 9 బంతుల్లో 3 పరుగులు మాత్రమే వచ్చాయి. అతడిని ఎన్రిక్ నోర్త్యా అవుట్ చేశాడు.

కేశవ్ మహారాజ్ 35 బంతులు ఎదుర్కొని 41 పరుగులు చేశాడు. అదే సమయంలో, పార్నెల్ బ్యాట్‌లో 24 పరుగులు వచ్చాయి. మార్క్రామ్ 25 పరుగులు చేశాడు. ఈ మ్యాచ్‌లో భారత బౌలర్లు అద్భుతంగా బౌలింగ్ చేశారు. అర్ష్‌దీప్ సింగ్ 3 వికెట్లు తీశాడు. అదే సమయంలో హర్షల్ పటేల్, దీపక్ చాహర్ తలో 2 వికెట్లు తీశారు. ఒక దశలో ఐదుగురు ఆఫ్రికన్ బ్యాట్స్‌మెన్ 9 పరుగులకే ఔటయ్యారు. అక్షర్ పటేల్, అశ్విన్ కూడా చక్కగా బౌలింగ్ చేశారు. వీరిద్దరి నుంచి 8 ఓవర్లలో 24 పరుగులు మాత్రమే వచ్చాయి. అక్షర్ కూడా ఒక వికెట్ తీశాడు.