వెరైటీ లుక్తో బోల్ట్ కొత్త TWS ఇయర్బడ్స్ లాంచ్ - 35 గంటల బ్యాటరీ లైఫ్, ENC ఫీచర్తో..
బోల్ట్ మావెరిక్ ఇయర్బడ్స్ అందుబాటులోకి వచ్చాయి. వెరైటీ లుక్, ఈఎన్సీ ఫీచర్ను కలిగి ఉన్నాయి. చార్జింగ్ కేస్తో కలిపి మొత్తంగా 35 గంటల ప్లే బ్యాక్ టైమ్ ఇస్తాయి.
Boult Maverick Earbuds
బోల్ట్ మావెరిక్ ఇయర్బడ్స్ (Photo: Boult)
Boult Maverick : దేశీయ బ్రాండ్ బోల్ట్ (Boult) నుంచి విభిన్నమైన డిజైన్తో కొత్త టీడబ్ల్యూఎస్ ఇయర్బడ్స్ (TWS Earbuds) మోడల్ లాంచ్ అయింది. బోల్ట్ మావెరిక్ (Boult Maverick) పేరుతో టీడబ్యూఎస్ ఇయర్బడ్స్ భారత మార్కెట్లోకి వచ్చాయి. ఇప్పటికే సేల్ కూడా మొదలైంది. ప్రస్తుతం ఫ్లిప్కార్ట్లో ప్రత్యేక ధరతో ఈ ఇయర్బడ్స్ లభిస్తున్నాయి. లుక్ పరంగా ఈ ఇయర్బడ్స్ డిఫరెంట్గా, ఆకర్షణీయంగా కనిపిస్తున్నాయి. కాల్స్ క్లారిటీ కోసం ఎన్విరాన్మెంటల్ నాయిస్ క్యాన్సలేషన్ (ENC), నాలుగు మైక్రోఫోన్లను ఈ బడ్స్ కలిగి ఉన్నాయి. బాస్ అత్యుత్తమంగా ఉండేలా సూపర్బాక్ బూమ్ ఎక్స్ డ్రైవర్స్ను ఈ బడ్స్లో పొందుపరిచినట్టు బోల్ట్ పేర్కొంది. Boult Maverick టీడబ్ల్యూఎస్ ఇయర్బడ్స్ ధర, సేల్, పూర్తి స్పెసిఫికేషన్లు, ఫీచర్ల వివరాలు ఇవే.
Boult Maverick ఇయర్బడ్స్ స్పెసిఫికేషన్లు, ఫీచర్లు
10mm సూపర్బాస్ బూమ్ఎక్స్ సౌండ్ డ్రైవర్లతో బోల్ట్ మావెరిక్ ఇయర్బడ్స్ వస్తున్నాయి. నాలుగు మైక్స్ టెక్నాలజీని ఈ బడ్స్ కలిగి ఉన్నాయి. దీంతో కాలింగ్ ఎంతో అత్యుత్తమంగా ఉంటుందని బోల్ట్ చెబుతోంది. అలాగే పరిసరాల శబ్దాల నుంచి ఇబ్బంది కలుగకుండా ఎన్విరాన్మెంటల్ నాయిస్ క్యాన్సలేషన్ (ENC) ఫీచర్ కూడా ఉంటుంది. కాంబాట్ గేమింగ్ మోడ్ ఈ బడ్స్లో ప్రత్యేకంగా ఉంటుంది. 45ms లో ల్యాటెన్సీ వరకు ఈ మోడ్లో సౌండ్ ఉంటుంది.
కనెక్టివిటీ కోసం బ్లూటూత్ 5.3 వెర్షన్ను Boult Maverick బడ్స్ కలిగి ఉన్నాయి. 10 మీటర్ల వరకు రేంజ్ ఉంటుంది. ఈ ఇయర్బడ్స్కు టచ్ కంట్రోల్స్ ఉన్నాయి. కాల్స్, మ్యూజిక్ ప్లేబ్యాక్ను కంట్రోల్ చేయవచ్చు. గూగుల్ అసిస్టెంట్, సిరి లాంటి వాయిస్ అసిస్టెంట్లను కూడా టచ్ కంట్రోల్తో వాడుకోవచ్చు.
Boult Maverick బడ్స్ ఫుల్ చార్జ్పై 7 గంటల ప్లే టైమ్ను ఇస్తాయి. చార్జింగ్ కేస్తో ఈ బడ్స్ను మరో ఐదు సార్లు చార్జ్ చేసుకోవచ్చు. మొత్తంగా చార్జింగ్ కేస్తో కలిపి ఈ బడ్స్ 35 గంటల వరకు ప్లేటైమ్ను ఇస్తాయి. వాటర్ రెసిస్టెంట్స్ కోసం IPX5 రేటింగ్ను బడ్స్ కలిగి ఉన్నాయి.
Boult Maverick ధర, సేల్
బోల్ట్ మావెరిక్ ధర రూ.1,799గా ఉంది. ఈ-కామర్స్ సైట్ ఫ్లిప్కార్ట్, అమెజాన్తో పాటు బోల్ట్ ఆడియో వెబ్సైట్లో సేల్ మొదలైంది. బ్లాక్ కలర్లో ఈ బడ్స్ మోడల్ అందుబాటులో ఉంది. ప్రస్తుతం ఫ్లిప్కార్ట్లో లాంచ్ ఆఫర్ కింద రూ.1,499కే Boult Maverick బడ్స్ లభిస్తున్నాయి. ఈ ప్రత్యేక ధర పరిమిత కాలమే ఉండనుంది.
